Энэ тэмцээн эх орны маань нэр хүндийг олон улсад тодорхойлох тул манай хүн бүр хүлээн авч дэмжинэ гэдэгт итгэж байгаа

SainbayarXилийн чанадад аливааг сурч мэдсэнээ эх орныхоо тухайн салбарын хөгжил дэвшилд хувь нэмэр болгон оруулах зорилготой олон Монголчуудын нэг нь Ц.Сайнбаяр анд. Шатрын спортод зүрх сэтгэлээ өгсөн тэрээр Лондон хотноо цөөнгүй жил ажиллаж амьдрахдаа олон улсын хэмжээнд энэ спорт ямар дэг жаягаар хэрхэн хөгжиж буйг барууны орны тогтолцоон дунд орж үзэж мэдэрсэн, өөрийн уйгагүй хичээл зүтгэлээрээ Британийн төдийгүй олон улсын хэмжээнд шатрын спортоор хичээллэгчид, багш дасгалжуулагчдын дунд танигдаж хүндлэгдэх болсон нэгэн билээ.

Тэрээр энэ спортыг эх орондоо улам бүр хөгжүүлэхэд хичээл зүтгэлээ зориулан, Монголын Шатрын Холбооны Ерөнхийлөгчийн албанд саяхан сонгогдон ажиллаж буй. Сар гаруйнхны дараа 16 хүртэлх насны Өсвөрийн шатарчдын Дэлхийн шатрын ОЛИМПИАД-г эх орондоо зохион байгуулахаар ажиллаж буй үед нь түүнтэй холбогдон хөөрөлдлөө.

Монголын шатрын холбооны Ерөнхийлөгчийн хүндтэй албыг хаших болсонд баяр хургье! Та Лондонд цөөнгүй жил байсан. Энд байхдаа л Монгол хүүхдүүдийнхээ дунд энэхүү оюуны спортыг дэлгэрүүлэхээр ажиллаж, өөрөө ч олон тэмцээн уралдаанд орж байсан санагдах юм.

UKChessAcademyБаярлалаа. Би хүүхэд байхдаа шатар тоглож байсан. Пионер сурагчдын VI спартикиад, Улсын аварга шалгаруулах, Залуучуудын аварга шалгаруулах анхны тэмцээн зэрэгт өрсөлдөж байлаа. Дунд нь ажил амьдрал гээд шатраас хэдэн жил хөндийрсэн. Харин сүүлийн үед өөрөө тоглох биш шатрын уралдаан тэмцээн зохион байгуулах, шүүгч хийх, сургуулидад багшлах, авъяастай хүүхдүүдийг дасгалжуулах зэрэг чиглэлүүдээр илүү ажилласан гэж хэлж болно. ИБУИНВУ-д болдог дэлхийд хамгийн олон хүүхдийг хамардаг гэж тооцогддог “UK Chess Challenge” гэж тэмцээнийг хамтран зохион байгуулагчаар ажиллаад 10 гаруй жил болж байна. Энэ тэмцээн дээрээ түшиглээд “UK Chess Academy”-г санаачлан байгуулж, үйл ажиллагаа явуулаад 4 жил болж байна. Мөн 4 шатрын клуб ажиллуулж байгаа. Цөөн тооны монгол хүүхдүүд манай тэмцээнүүдэд тоглохын зэрэгцээ клубт хичээллэдэг.

Тэгэхээр та гадаад харилцааны талдаа ихээхэн хэлхээ холбоотой, туршлагатай болсон байж таарах нь ээдээ.

NorwayDelegatesОлон улстай харилцаа холбоотой болоход миний шүүгч болон дасгалжуулагчийн ажил их нэмэр болсон. 2009 онд Английн Шатрын Холбоо-ны шүүгч, 2011 онд ОУШХ-ны шүүгч (FIDE Arbiter), 2012 онд ОУ-н шүүгч (International Arbiter) мөн 2011 онд ОУШ-ны дасгалжуулагч болсон. “UК Chess Challenge” хүүхдийн тэмцээнд 10 гаран жил шүүгч хийж байна. Английн Улсын аваргаар 3, Хастингийн ОУ тэмцээнд 3, Лондон классик тэмцээнд 4 удаа шүүгчээр ажилласан. Мөн 2 Олимп (Istanbul-2012, Tromso-2014), 1 Дэлхийн цом (World Cup-Tromso-2013), 1 Гранд Прикс (Zug/Зуг), Өсвөрийн Дэлхийн аварга -3 (Cловани, Грек, СА) Сурагчын Дэлхийн аваргад 3 (Румин, Грек, Тайланд) удаа шүүгчээр тус тус ажилласан маань олон орны шүүгч, дасгалжуулагчтай танилцаж нөхөрлөн хамтран ажиллах таатай нөхцөлийг бүрдүүлсэн. Дээрх тэмцээнүүдэд ажиллаж байхдаа сонирхол мэргэжил нэгтэй хүмүүстэй үзэл бодлоо хуваалцаж, санаа оноогоо баяжуулж авдаг байсан маань одоо бол туршлага гэж хэлж болно оо.

with_UlimjinovТа Дэлхийн шатрын Холбооны ерөнхийлөгч Юлимжиновтой ойр байдаг санагдсан

Тийм ээ. Бид Москвагийн Олон Улсын Харилцааны сургуульд хамт сурч, нэг оюутны байранд амьдарч, шатрын нэг багт тоглож байлаа.

Эргээд эх нутагтаа очоод харахад Монголын шатрын спорт бусад орнуудтай харьцуулахад ямар түвшинд бна.

Хэдий хол амьдарч байсан ч шатрынхантайгаа бол 2011 оноос байнга холбоотой байсан шуу. Миний дээр нэрлэсэн тэмцээнүүдэд манайхан оролцдог шатрын мэдээлэл, тамирчдын маань тувшин зэргийг нүдээр харж харьцуулах боломж байсан. Мөн английн шигшээ багийн дасгалжуулагчаар хүүхдийн дэлхийн болон сурагчын аваргын тэмцээнд явахдаа Монголынхоо багийнхантай хамтарч байсан.

TeamMongoliaKids

Авъяас гэвэл бидний Монголтой эн зэрэгцэх нь энэ дэлхийд байхгүй гэж би боддог. Бусад хүчин зүйл, материаллаг бааз зэрэгтэй холбоотой болоод ирэхээр манайд хүндрэл гараад ирдэг Үүнийг л сайжруулчихвал бидэнд дэлхийд дээгүүр өрсөлдөөд байх боломж бий. Бусад оронтой харьцуулахад гэдэг дээр яг ямар үзүүлэлтээр нь вэ гэдгээс болох байх. Хэрвээ 10 хүртэлх насны хүүхдүүдийн үзүүлсэн амжилт гэвэл манайх эхний 10-т орж магад, материалаг бааз: цаг, хөлөг, шатар гэвэл нэлээд хойгуур, байх болов уу.

Монголд шатар спорт гэдэг утгаараа бол маш хурдацтай хөгжиж байгаа гэж би хэлнэ дээ. Суулийн жилүүдэд ОУ-ын тавцанд хүүхдүүдийн гаргаж байгаа амжилтаас л тодорхой харагдаж байгаа Энэ нь багш дасгалжуулагчид, эцэг эхчүүдийн олон жилийн хөдөлмөрийн үр дүн гэдгийг тэмдэглье. Дасгалжуулагч хүний зүгээс дүгнэхэд энэ нь дор хаяж 5-10 жилийн шаргуу хөдөлмөрийн үр дүн юм.

Юун түрүүн хийхээр ажиллаж буй нэг томоохон ажил тань 16 хүртэлх насны Өсвөрийн шатарчдын Дэлхийн шатрын ОЛИМПИАД-г эх орондоо зохион байгуулах ажиллагаа байгаа. Энэ эрхийг авах гэдэг бас амаргүй ажил байсан байж таарна.Хэднээс хэдний хооронд болох вэ?

16 хүртэлх насны Өсвөрийн шатарчдын Дэлхийн Олимпиадыг эх орондоо хийх санаачлагыг 2014 оны Тромсо-н Олимпиадад манай эмэгтэй баг “Б” ангилалд алтан медаль авах үед шийдээд ОУШХ-нд журам ёсоор нь тавьж шийдүүлсэн. Мэдээж хүндрэлүүд байсан. Гэхдээ бид авч чадсан. Олимп гэдэг утгаараа Монголд “анхных нь” гэдэгт их ач холбогдол өгч байгаа. Мөн манай Шатрын холбооны 60 жилийн ойтой давхардаж байгаа онцлогтой.

Олимп маань Улаанбаатарт тодруулбал Чингис зочид буудалд 8 сарын 19-29-нд болно. Мэдээллийг: www.wyco2015.mongolchess.mn

Зохион байгуулалтын хувьд хэр их ложистик бас санхүүжилт шаардагдах вэ? Монголын төр засаг, бизнесүүд хэрхэн ойлгож дэмжиж байна?

Одоогоор манай бизнесүүд оролцож эхлээгүй байгаа гэж хэлэх байна даа. Бидний зүгээс хангалттай мэдээллээ тараан сурталчилаа хийгээгүйтэй холбоотой болов уу. Тэмцээн зохион байгуулах байрыг манай Хүндэт Ерөнхийлөгч Занданшатар маань “Чингис” буудлын удирдлагуудтай ярилцаж Олимпийн бүх арга хэмжээг Чингис буудалд хийхээр тохирсон байгаа. Тэдний хамт олонд маш их талархаж байгаа. Одоогоор манай ЗГ 70 сая төгрөг, Нийслэл хотоос 50 сая төгрөг гаргахаар болоод байгаа. ГХЯ, ЭМЯ, Сангийн Яам, Гаалийн газар, МИАТ, УБТЗам зохих дэмжлэг туслалцаа үзүүлж байна.

11_Main_Banner1

Эх орны маань нэр хүндийг олон улсад тодорхойлох арга хэмжээ гэдэг утгаар нь манай хүн бүр хүлээн авч дэмжинэ гэдэгт итгэж байгаа. Маш богино хугацаа ч бид хүн бүрийн дэмжлэгтэйгээр амжилтай зохион байгуулна гэдэгтээ эргэлзэхгүй байгаа. Санхүүгийн дутуу байгаа хөрөнгийг бүрдүүлэх л хамгийн яаралтай хойшлуулшгүй чухал ажил болоод байгаа тул Таниар дамжуулан бүх иргэд болон бизнесийнхэндээ оюуны спортын анхны Олимпыг дэмжээрэй гэж хүсэх байна. Манай Олимпиад-н цахим хуудас ОУШХ-ны албан ёсны цахим хуудаснаа тавигдаад байгаа. (fide.com/kalendar) Одоо тэмцээн болох хүртэл манай аль ч байгуулага хүмүүс Олимпиадыг дэмжээд өөрсдийн сурталчилгаагаа байрлуулах боломж нээлттэй байгаа гэдгийг хэлмээр байна.

Дэлхийн өндөр зэрэглэлийн энэхүү тэмцээнийг зохион байгуулснаар Монголын шатрын спортын хөгжилд гарах эерэг нөлөөллүүдийг та юу гэж тодорхойлохсон бол

logoМанай ОУШХ бол эгнээндээ 181 орныг нэгтгэсэн ОУ байгууллага. Энэ байгууллагын гишүүн байж түүний калэндарт ордог 20 хүрэхгүй албан ёсны арга хэмжээний 1-г зохиох эрхийг олж авна гэдэг бол асар их нэр хүнд итгэл найдварийн асуудал. Энэ арга хэмжээг хийснээр бид 10 хоногийн турш Монголоо дэлхийн 180 оронд шууд сурталчилах боломжтой юм. Энэ бол хамгийн зардал багатай бөгөөд дэлхийн хамгийн олон орон, хамгийн олон хүнд хүргэж болох сайхан боломж . Олимпиадыг амжилттай зохион байгуулснаар Монгол Улс цаашид шатрын ОУ-н чанартай нэр хүнд бүхий тэмцээнүүдийг зохион байгуулах үүд хаалга нээгдлээ гэсэн үг, нөгөө талаас бид юу хийж чаддагаа олон улсад нотлон харуулах таатай боломж.

Өөрийн бүрэн эрхийн хугацаандаа Монголын шатрын спортыг ямар түвшинд гаргасан байхаар төлөвлөж байна

00Миний бие 2014 оноос ОУШХ (ФИДЭ) болон Азийн ШХ(АЦФ)–д нэлээд хэдэн албыг хашиж байгаа дахиад 3 жил үлдсэн. Үүнийхээ зэрэгцээ Монголын шатрын холбоогоо ирэх 4 жил удирдах болоод байна. Гадаад орчин маш таатай байгааг цаг алдалгүй ашиглан монголын шатрын хөгжлийг дэлхийн тэргүүлэх орнуудтай зэрэгцүүлэх гэсэн том зорилго тавиад ажлаа эхэлж байна. Бидэнд дотооддоо маш их зүйлийг өөрчлөх шаардлагтай байгаа зарчмын болон горимын нэлээд асуудлууд бий, гэхдээ тэдгээрийг бэрхшээл гэж бодохгуй байна. Манай ухаалаг оюуны спортынхон мааньхамт олноороо ярилцаад шийдээд хурдацтай урагшлана гэдэгт итгэлтэй байгаа. Ялангуяа өсвөрийн шатарчид маань маш их найдлага төрүүлж Монголын нэр хундийг өндөрт өргөж яваа. Иймд өөрийн бүрэн эрхийн хугацаанд 2016 онд Азийн өсвөрийн аварга болон 3.3 бүсийн тэмцээн, 2017 онд Азийн Сурагчдын аварга, 2018 онд Дэлхийн Сурагчдын аварга зэрэг тэмцээнүүдийг эх орондоо зохиох талаар холбогдох байгуулагуудтай яриа хэлэлцээрээ эхлээд байгаа. Энэ бүхний дараа Дэлхийн Цом (World CUP-2019 эсвэл 2021), Дэлхийн Шатрын Олимпиад (World Chess Olympiad-2020 эсвэл 2022) зэргийг Монголдоо зохион байгуулах чин хүсэлтэй байна даа. Тэр үед бид Дэлхийн аварга Монгол шатарчинтай болсон байхыг ч үгүй гэх газаргүй.

Цаг зав гарган ярилцсанд баярлалаа.  Өсвөрийн шатарчдын Дэлхийн Олимпиадыг зохион байгуулах болон Монголын шатрын спортыг хөгжүүлэх их үйлсэд нь өндөр амжилт хүсэн ерөөе. 

Хөөрөлдсөн Д.Цэрэнбат

Наралж салхилан наадацгаая -Баяр наадам тэмдэглэн өнгөрүүлэх талаар

parkБритани дах монголчуудын жил бүр уламжлал болгон тэмдэглэн өнгөрүүлдэг үндэсний баяр наадмын ажиллагаа энэ жилийн хувьд нэгдсэн байдлаар хийх газрын олдоц үгүй болсонд нийт наадамчдаас гүнээ хүлцэл эрж байна.
Уламжлал болсон хийдэг газар нь наадмын өдрүүдэд Wimbledon-ийн тэннисний тэмцээнд зориулагдах болсноор анх энэ байдал үүсэж улмаар сар гаруй хугацаанд Лондон дотор өөр бусад газар хийх зөвшөөрөл авахаар хөөцөлдсөн  ч амжилт олсонгүйг ойлгон хүлцэнэ буй заа

Ингээд наадмын өдөр буюу 7 сарын 11-д Лондонгийн зүүн дүүргийн London Fields (Hackney, London, E8 3EU) талбайд, 11-16 цагийн хооронд, майхан дарцаг босголгүй,ердийн нарлаж зугаалах хэлбэрээр цуглан бөхөө барилдуулж, хүүхэд багачуудаа гүйлгэн, бусад уралдаан тэмцээн зохион байгуулж  наадмаа тэмдэглэе. Гэхдээ арга хэмжээ зохион байгуулах ямар нэгэн зөвшөөрөл байхгүйг бодолцож машид зөв боловсон байхыг анхаарна уу. 

  • Бөхийн барилдааныг Лондонгийн заан Ц.Батбаяр
  • Шагайн харвааг Г.Амарбаясгалан, Б.Машбаяр
  • Хүүхдийн гүйлтийг М.Мөнхзоригт З.Отгонбаяр
  • Гар бөмбөг, хөл бөмбөгийн тэмцээнийг Д.Очирбат, Б.Будхүү

нар тус тус зохион байгуулна.

Хоол хийх боломжгүй тул наадмын үеэр хүртэх хуушуур, амттанаа гэртээ боломжит хэмжээгээр хийж ирээд  баярлаарай. Нар шатсан халуун өдөр байх тул уух ус, ундаа, нарны тос, сүүдэрлэх шүхэрээ мартав.

Нийтийн хүрээлэнд хүндэтгэлтэй, цэмцгэр сайхан амран наадахыг хүсье!

map15

Англи улсын Фунт мөнгөн дэвсгэртээр гадаад улс руу шилжүүлэг хийх болон Гадаадаас хүлээн авах талаарх зөвлөмж

Харилцагч Та бүхэндээ Худалдаа, хөгжлийн банкнаас ФУНТ-ын төлбөр тооцоог хэрхэн шилжүүлэх болон хүлээн авах талаар ээлжит зөвлөмжийг хүргүүлж байна. Худалдаа, хөгжлийн банкны хувьд дэлхийд томоохон тооцогддог HSBC банкны Англид дахь салбарт ФУНТ-ын данстай бөгөөд уг банкаар дамжуулан харилцагчийн төлбөр тооцоог хамгийн бага үнээр, түргэн шуурхай, найдвартай гүйцэтгэж байна.

МОНГОЛ УЛСААС ГАДААД РУУ АНГЛИ УЛСЫН ФУНТ ШИЛЖҮҮЛЭХ ЗААВАРЧИЛГАА:

            Монгол улсаас гадаад улсууд руу фунтын гуйвуулга хийхэд дор дурдсан банкаар дамжуулан хамгийн хурдан шуурхай аргаар төлбөр хүлээн авагчид мөнгийг шилжүүлж байна.

Bank Name SWIFT Code

HSBC BANK PLC, LONDON, UNITED KINGDOM

MIDLGB22

Гадаад руу гуйвуулга хийхэд банкны салбар дээр ирж “Гадаад шилжүүлгийн даалгавар” бөглөх, эсвэл интернет банкны үйлчилгээг ашиглан шилжүүлэг хийх даалгаврыг ХХБ-нд өгч болно.

Жишээ 1: Банкны салбар дээр ирж шилжүүлгийн маягт бөглөх

(Банкны салбарын байршлуудыг та тус банкны http://www.tdbm.mn/index.php?con=view&;id=23  веб сайтаас авна уу.) Хавсралт 1-т маягтын жишээг тусгасан болно.

Жишээ 2: Интернет банкны үйлчилгээг ашиглан гадаад шилжүүлэг хийх даалгавар өгөх:

Та тус банкны  интернет банкны үйлчилгээний талаар илүү дэлгэрэнгүй мэдээллийг авахыг хүсвэл http://www.tdbm.mn/index.php?con=view&;id=172  болон www.ebank.mn веб сайтнаас авна уу.

Хавсралт1

 2

Гадаад руу фунт гуйвуулах шимтгэл:

 

Англид дахь харилцагч банк руу манай банкаар дамжуулан шилжүүлэг хийх бол дүн харгалзахгүйгээр 15,000 төгрөгийн шимтгэлтэйгээр таний гүйлгээг хийх болно.

Түүнчлэн бид танд зөвхөн эхний дамжуулагч банкны шимтгэлийг хариуцан гадаад гуйвуулга хийх боломжийг олгож байна. Хэрэв та эхний дамжуулагч банкны шимтгэлээ хариуцах хүсэлтэй бол дараах шимтгэлийн нөхцлийг мөрдөнө:

Гуйвуулгын дүн Шимтгэл
Хүлээн авагч нь Англи дахь манай банкны харилцагч банканд данстай бол

10 английн фунт

Хүлээн авагч нь Англи улсын бусад банкинд данстай

15 английн фунт

Хүлээн авагчийн данс нь бусад улсад

25 английн фунт

 

Тайлбар: Дээрх тохиолдолд банк өөрийн дамжуулагч банкнаас бусад дамжуулагч банкны шимтгэл хасагдах эсэхэд баталгаа өгөхгүй

Гадаад руу илгээсэн гуйвуулгын мэдээллийг залруулах, гуйвуулгыг цуцлах:

Гадаад руу илгээсэн шилжүүлгийн  мэдээллийг харилцагчийн хүсэлтээр  өөрчлөх, залруулах, эсвэл гуйвуулгыг цуцлах нэмэлт үйлчилгээ байдаг.

  1. Үйлчилгээний тариф- 60 ам.доллар

Гадаад шилжүүлгийн талаар лавлагаа авахад

 

Гүйлгээ хийсэн өдрөөс хойш

1-7 хоногийн хугацаанд Шимтгэлгүй
8-30 хоногийн хугацаанд 10 ам.доллар
31-90 хоногийн хугацаанд 60 ам.доллар
91 хоногоос дээш 100 ам.доллар
Свифт сүлжээгээр дамжуулан хийгдсэн бусад лавлагаа 30 ам.доллар

 

Фунтын гуйвуулга хийхэд тавигдах шаардлага:

1.   Та төлбөрийн даалгавраа үнэн зөв, гаргацтай бөглөх шаардлагатай, гуйвуулгын мэдээллийг буруу өгсөн  тохиолдолд Таны төлбөрөөс шимтгэл хасагдан буцаж ирэх, эсвэл нэмэлт хураамж төлж гуйвуулгын мэдээллийг залруулах шаардлага гарах болно.

2.    Шилжүүлгийн “Төлбөрийн зориулалт“-ыг тодорхой заах.

3.   Мөнгө угаалт болон терроризмыг санхүүжүүлэх үйл ажиллагааны эсрэг хууль, тогтоомжиийн дагуу төлбөр гуйвуулагч болон хүлээн авагчийн дэлгэрэнгүй хаяг, утасны дугаарыг бичих шаардлагатай.

4.   Төлбөр гуйвуулахын өмнө төлбөр хүлээн авах банкнаас гадаад улс, орноос фунт хүлээн авахад тавигдах тусгай шаардлага байдаг эсэх талаар төлбөр хүлээн авагчаасаа сайтар тодруулсан байх шаардлагатай.

ГАДААД УЛСААС ФУНТЫН ГУЙВУУЛГА ХҮЛЭЭН АВАХ

            Гадаадаас Англи улсын ФУНТ хүлээн авахад ХХБ хамгийн уян хатан нөхцлийг санал болгож байгаа бөгөөд дор дурдсан бүх нөхцөлд иенийг хүлээн авах боломжтой юм. Үүнд:

–          Харилцах данстай харилцагч

–          Карт эзэмшигч

–          Хэрэв та ХХБ-нд ямар нэгэн дансгүй бол өөрийн регистр, пасспортын дугаараар мөнгөн гуйвуулга хүлээн авах боломжтой.

  1. Гадаадаас фунтын гуйвуулга хүлээн авах шимтгэл:
Төрөл Шимтгэл
Харилцах дансанд хүлээн авах Шимтгэлгүй
Картын дансанд хүлээн авах Шимтгэлгүй
Хадалгамжийн дансанд хүлээн авах 0.3%
Хувь хүний нэр дээр хүлээн авах 0.3%

Та гадаад улс, орноос фунт шилжүүлэн авахдаа гадаадад буй түншдээ ХХБ-ны дараах  мэдээллийг өгнө үү. Үүнд:

  • Хүлээн авагчийн банк (Beneficiary’s Bank):

Trade and Development Bank of Mongolia

  • Хүлээн авагчийн банкны свифт код (Beneficiary’s Bank SWIFT code):

TDBMMNUB

  • Хүлээн авагчийн мэдээлэл (Beneficiary):

Нэр, хаяг, холбогдох утас

  • Хүлээн авагчийн ХХБанкин дахь дансны дугаар, эсвэл иргэний үнэмлэхийн дугаар

Түүнчлэн Англи болон бусад гадаад орнуудаас ФУНТ- ээр ХХБ-ны харилцагч данс руу шилжүүлгэ хийх бол доорх маягтыг http://www.tdbm.mn/download/MIDL-GBP.pdf веб сайтнаас татан авч бөглөвөл таньд илүү төхөм бөгөөд Хавсралт 2-т жишээг тусгав.

Хавсралт 2

6

Хэрэв танд нэмэлт мэдээлэл шаардлагатай бол ХХБ-ны www.tdbm.mn веб сайтаар, эсвэл 1977 лавлах утас болон [email protected]“> [email protected] и-мэйл хаягаар холбогдоно уу.

Хөгжил дэвшилд хамтдаа

ХУДАЛДАА, ХӨГЖЛИЙН БАНК

Лийдсийн Их Сургууль хоорондын Харилцан Ойлголцлын санамж бичигт гарын үсэг зурав

2012 оны 1 дүгээр сарын 5-ны өдөр элчин Б.Алтангэрэл Монгол Улсын БСШУЯам, Лийдсийн Их Сургууль хоорондын Харилцан Ойлголцлын санамж бичигт гарын үсэг зурав.
Нөгөө талаас Лийдсийн Их Сургуулийн дэд захирал, профессор Макл Артүр Лийдсийн Их Сургуулийг төлөөлөн Харилцан ойлголцлын санамж бичигт гарын үсэг зурав.

Санамж бичгийн дагуу Монгол оюутнууд Лийдсийн Их Сургуульд 15 хувийн хөнгөлөлттэй нөхцлөөр суралцах боломж бүрдэж буй юм. Мөн цаашлаад Монголын их, дээд сургуулиуд тус сургуультай хамтын ажиллагаа өрнүүлж, эрдэмтэн, багш, боловсон хүчин харилцан сургах, судалгаа шинжилгээний материал, бүтээл солилцох боломж, бололцоо нээгдэж байгаагаараа ач холбогдолтой юм.

Гарын үсэг зурах ёслолын үеэр Элчин сайд Б. Алтангэрэл Монгол-Британийн боловсролын салбарын хамтын ажиллагааны ач холбогдлын чухлыг онцлоод, тус сургуулийн монгол судлал бол Британийн хувьд анхдагч нь гэдгийг мөн цохон тэмдэглэв. Профессор М.Артүр хариу хэлсэн үгэндээ монгол судлалын чиглэлээр дэмжиж, тусалж ажиллахаа илэрхийлээд, тус сургуулийн хувьд анх удаа гадаад улсын их, дээд сургуультай биш холбогдох яамтай нь хамтын ажиллагааны баримт бичигт гарын үсэг зурж байгаагаараа онцлогтой болохыг тэмдэглэв.