“LONDON NAADAM – 2018” дэлгэр сайхан боллоо

Британи дахь Монголчууд  Лондонгийн баруун урд дүүргийн Wimbledon Common-ны зүлэг ногоон талбайд хүүхэд багачуудаа оролцуулаад нийт  700 орчим хүн хуран цугларан баяр Үндэсний их баяр наадмаа өргөн дэлгэр сайхан тэмдэглэн өнгөрүүллээ.

Асар майхнууд алаглан наадмын талбайг битүү тойрон зарим газар 2 эгнээгээр давхарлан барьсан энэ жилийн наадам хэр өргөн болсныг харуулна.

Элчин зөвлөх Б.Одонжил нээлтийн үг хэлж, төрийн дуулал эгшиглэснээр наадмын ажиллагаа эхлэв.

Наадмын урлагийн тоглолтод бүжигчин Б.Дашмаа, дуучин хөгжимчин Сэндэнсүрэн, концертмастер, дуучин хөгжимчин Тэгшбаяр нар болон Nomadic Tunes хамтлагийнхан ая эгшгийн мэндчилгээ өргөлөө.

Мөн Нотингхам хотын Монгол сургуулийн хүүхдүүд үндэсний болон орчин үеийн цоглог бүжиг, дуу,  шүлэг, үндэсний хувцасны загвар үзүүлэх үзүүлбэртэй ирсэн бол  морин хуурч хөөмийч Н.Бат-Эрдэнэ-ийн шавь нар морин хуурын гурвал тоглож, Лондон хот дах Монголчуудын Сургалтын төвийн сурагчид ая дууны мэндчилгээ лэвшүүлж наадамчин олны халуун алга ташилтаар шагнуулав.

Энэ жилийн баяр наадамд уламжлал ёсоор хүчит бөхийн барилдаан насанд хүрэгсэд хүүхдийн ангилалаар зохион байгуулагдаж суран харваа шагайн харваа хүүхдийн уралдаанууд тус тус зохион байгуулагдаж дүнгээ гаргалаа.

Бөхийн барилдаанд хүчид 32 бөх барилдаснаас Булган аймгийн Тэшиг сумын харъяат  аймгийн арслан Я.Оюун-Эрдэнэ Лондонгийн баяр наадамд 11 дэх удаагаа түрүүлж Сэлэнгэ аймгийн Сүхбаатар сумын харъяат Лондонгийн заан Ц.Батбаяр 3 дахь удаагаа үзүүр булаан Булган аймгийн харъяат Лондонгийн начин Д.Очирбат,  Архангай аймгийн Булган сумын  харъяат Лондонгийн начин Б.Мөнхтулга нар шөвгийн 4-т шалгаран үлдэв

Хүүхдийн барилдаанын 7-10 насны ангилалд Төгөлдөр 2 дахь жилээ түрүүлж Очир үзүүрлэн Давид Одсэр нар шөвгийн дөрөвт шалгарлаа. Харин 11-13 насны ангилалд Эрхэмбилэг түзрүүлж Ананд үзүүрлэн Ханбилгүүн шөвгөрөв.

Энэ жилийн Сурын харвааны тэмцээнд Байт Харваа болон Үндэсний Харваагаар хичээллэдэг голтой харваж чаддаг харваачдыг бүртгэж 12 харваачид хурц мэргэнээ сорьсоноороо онцлогтой болов. Мэргэн Харваач цолыг Маналжавын Мөнхзоригт (Ирланд Наадам 2018-ын Үндэсний Сур Харваанд мөн түрүүлсэн), дэд байранд Чүлтэмсүрэнгийн Отгонзул, 3-р байранд Батын Баагий нар тус тус шалгарч, медаль, өргөмжлөл, мөнгөн шагнал болон бэлэг дурсгалын зүйлсээр шагнаж урамшууллаа.

Шагайн харвааны тэмцээн цуваа болон багийн төрлөөр явагдаж дүнгээ гаргалаа. Анхны шилжин явах цомын эзнээр М Гансүх ахлагчтай Лондонгийн баг тодорч Цом өргөмжлөл мөнгөн шагналын эзэд болсон бол  Ю.Эрдэнэчулуун ахлагчтай Манчестерийн баг дэд байрыг эзэлж өргөмжлөл мөнгөн шагналаар шагнагдав. Хувийн цуваа харваанд Манчестерийн Ш Гантулга дахин тэргүүлж Лондонгийн М Машбаяр Б Батсуурь нар эхний байруудыг эзэлж өргөмжлөл, мөнгөн шагналаар шагнагдлаа Онцгой сонин шийдэлтэй шилжин явах цомыг урласан Д Очирбатдаа үндэсний шагайн харвааны хамт олон гүн талархалаа илэрхийлэе.

Хүүхдийн гүйлтийн уралдаан 6 насны ангилалд охид хөвгүүд ангилалаар болж дараах хурдан хүлгүүд торгон жолоо өргүүлжээ

2-3 насны ангилалд

Эр – 1-p байр Eymen 2 Зүч 3 Joshua

Эм . 1 Энэрэл , Аny 2 . Нандиа 3 . Амунгоо

4-5 насны ангилалд

Эр – 1 Анар 2 . Зэв 3 . Дөлгөөн

Эм – 1 Цэлмүүн 2 . Бүжин 3 . Ануужин

6-7 насны ангилалд

эр – 1 Louis 2 Jonathan 3 . L James

Эм – 1. Энхүүнээ 2. Linda 3. Намуунаа

8-10 насны ангилалд

эр 1 . Хүслэн 2. Тэмүүн 3. Jamien

Эм : 1 . Lauren 2. Shantel 3 . Rose

11-13 насны ангилалд

эр : 1 . Энх оч 2. Adrian 3 . Inji , Эрхэм тэнүүн

Эм : 1. Намуун 2 . Өүлэн 3. Ундрам

14-16 насны ангилалд

Эр : 1. Энх тамир 2 . Гүндии 3 . Энгүүн

Эм : 1. Азаа 2. Отгон 3. Маргад

Broadway Beauty Saloon ивээн тэтгэж хийдэг Үндэсний сайхан хувцастан шалгаруулах уламжлалт тэмцээнд наадмын талбайг солонгоруулан алаглуулсан олон сайхан хувцастан оролцож хүн бүр шагнал хүртэж баяр наадмаа тэмдэглэв.

Баяр наадмын нэрэмжит снукер биллардын цомын аварга шалгаруулах тэмцээнд Д.Очирбат түрүүлж, Батсуурь удаалж Отгонзул гуравдугаар байр эзлэн Монголчуудын Холбооны цомоор шагнагдсан бол Элчин сайдын яамнаас олгосон уран тоглолтын тусгай шагналыг Нотингхамын Эрка хүртлээ.

ТАЛАРХАЛ

Олон бүлэглэл, (хувь хүмүүс, холбоод) байгууллагууд наадмын уралдаан тэмцээнүүд, холбогдох үйл ажиллагаа бүрийг хариуцан авч хийснээрээ урд урдаас илүү хамтарсан зохион байгуулалттай наадам боллоо

Наадмын зохион байгуулалтын ажилд боломжит бүхий л хэлбэрээр тусалж хамтран ажилладаг Элчин сайдын яамны хамт олондоо гүнээ талархая

Урлагын тоглолтыг зохион байгуулсан МУСТА М.Мөнхзоригт, наадмын ажиллагааг хөтөлсөн Др.Б.Бум-Очир, Ц.Долгорцэрэн, дууны инженер С.Нямдаваа, бүжигчин Б.Дашмаа, дуучин, хөгжимчин Сэндэнсүрэн, концертмастер, дуучин, хөгжимчин Тэгшбаяр, морин хуурын ая эгшгээр наадамчин олноо баясгасан Meza-ийн Maximus, Бат-Эрдэнэ-ийн Мишээл, Цогтсайханы Гүндий нар, Монгол бүжиг шүлэг загвар өмсөлтийн үзүүлбэрүүд үзүүлсэн Нотингхамын авъяаслаг хүүхдүүд, хүүхдүүдээ бүрэн монгол хувцсаар хувцаслан бэлдэж ирсэн эцэг эхчүүд, бүжиг урлагийн тоглолтыг дэглэн найруулсан Монгол сургуулийн багш нартаа, ая дууны мэндчилгээ өргөсөн Монголчуудын Сургалтын төвийн Толуй Тэмүүлэн, Elizabeth Misheel Dunstan нартаа гүнээ талархая

Хүчит бөхийн барилдааныг насанд хүрэгсэд болон хүүхдийн 7-10, 11-13 насны ангилалуудаар зохион байгуулж, медалиар ивээн тэтгэсэн Англи дахь Үндэсний бөх Сонирхогчдын клуб, түүний санаачлагч зохицуулагч Лондонгийн заан Ц.Батбаяртаа, бөхийн давааны амтат боорцогуудыг хийсэн Ч.Алтансоёмбодоо, бөхийн барилдааныг маргаангүй сайхан зассан бөхийн засуул Тэгшээ, Ихбаяр, Содбаяр  нартаа  гүнээ талархая. Мөн энэ жилээс үндэсний бөхийн барилдааны түрүү үзүүрийн бөхөд өөрийн компанийн нэрэмжит алтлаг, мөнгөлөг цомоор шагнаж буй unurshop.mn-н захирал З.Өнөрөө болон Манчестераас зорин ирж барилдсан А.Ганболд, Б.Баасанжав нартаа гүнээ талархая.

Үндэсний шагайн харваагаа жилээс жилд дэлгэрүүлэн баяр наадмын нэгэн өнгө чимэг болгож чадсан Үндэсний Шагайн Харвааны Британи дахь Салбарынхан, тэргүүн М.Машбаяртаа шагайн харвааны шилжин явах цомыг урласан Д Очирбатдаа Алс холын Манчестер хотоос зорин ирж тэмцээнээ хамтран зохион байгуулж өрсөлдсөн Манчестерийн шагайчиддаа, амттай сайхан идээнийхээ дээжээр шагайчид наадамчидаа дайлан үйлчилсэн шагайчдын гэр бүлүүд, бүсгүйчүүддээ гүнээ талархая

Сурын харвааг мэргэжлийн түвшинд зохион байгуулж уламжлал болгосон Маттьв, Энхээ, Цолмон нараар ахлуулсан багийнхандаа, харвалтын аюулгүй байдлыг хангахад гар бие оролцон дэмжиж тусалсан Робин Фелл, М. Саранзаяа, Л. Эрдэнэчимэг, Т. Энхжин, хоол цайгаар дайлсан Туул эгч нартаа гүнээ талархая.

“Амаа мэдэхгүй” нас насны олон хүүхдийн 12 уралдааныг будилаангүй сайхан зохион байгуулж хүүхэд бүрт гарын бэлэг түгээсэн Британи дах ээжүүдийн бүлгийнхэн, бүхий л ажлыг гардан зохион байгуулсан П.Одгэрэлдээ, хамтран ажилласан Уянга, Нямсүрэн, Цэцгээ, Дэлгэрмаа, Номин нартаа болон хүүхдийн уралдааныг ивээн тэтгэсэн бүх хүмүүстээ гүнээ талархая

Наадмын ажиллагааны зардлын гол нурууг босгодог тасалбар таслах ажиллагааг өөрсдийн баярлах цагаа умартан байж эелдэг боловсноор гүйцэтгэсэн Дербигийн Хонгороо, Г.Ану тэргүүнтэй Британи дахь Монгол Оюутны Холбооны охид нартаа гүнээ талархая.

Наадамчин олны аз хийморыг дэрвээдэг Азын сугалааг насанд хүрэгсэд хүүхдийн ангилалаар, сугалаа бүрийг хонжворттойгоор зохион байгуулж наадамчин олноо баягасан,  баян наадамдаа санхүүгийн дэмжлэг үзүүлсэн MGL family centre –ийн хамт олондоо гүнээ талархая.

Наадмын хуушуурыг нийтэд хүртээлтэй амт чанар сайхан хийж үйлчилсэн CUSINA CATERING  болон Eba catering-ийнхандаа гүнээ талархая.

Өдөржин ажиллаж өөр өөрийн зургийн дурандаа баяр наадмын дурсамжит мөчүүдийг гайхалтайгаар буулгасан Azaa Studio-н Ц.Азхүү, G-StudioMN-н У.Ганзориг, наадамчин олны сэтгэгдлийг сонсож ярилцлага аван ажилласан Др.Д.Бумочир, Х.Бадрал нартаа гүнээ талархая.

Өнөр олуулаа наадамдахаар ирж авъяаслаг хүүхдүүдийнхээ урлагийн тоглолт, хувцасны загвар үзүүлэлтээрээ наадмаа чимсэн, наадамдаа санхүүгийн хандив өргөсөн Нотингхамын Монголчууддаа гүнээ талархая.

Бүтэн жилийн алжаалаа умартан, Монголоороо амьсгалан цэвэр цэмцгэр дэлгэр сайхан наадсан нийт наадамчиддаа гүнээ талархая.

—————–

Наадмын тухай саналууд

Баяр наадад оролцогсдын цар хүрээ жилээс жилд өргөжиж буй тул зохион байгуулалтын хувьд ч сайжруулан хүн бүрт хүртээлтэй өргөн дэлгэр болгохтой холбоотой саналууд ирснийг багцлан толилуулж байна.

  • Ямар нэгэн гал бүлэгт хамрагдалгүй наадамдахаар ирсэн хүмүүст зориулан илүү төлбөртэйгөөр ч хамаагүй тусгай сүүдрэвч асар барих,
  • Хэдийгээр Монголчуудын наадам боловч гадны хүмүүс олноор ирэх болсонтой холбогдуулж баяр наадмаа тэмдэглэхийн зэрэгцээ зочиддоо урлаг, соёл, түүх, ёс уламжлалаа танилцуулан сурталчилсан тусгай хөтөлбөртэй гэр майхнууд ажиллуулах
  • Хүүхэд, залуучуудад зориулсан тусгай хөтөлбөрт үйл ажиллагаануудыг зохион байгуулах
  • Наадмын дууны техник хэрэгсэлийн чанарыг сайжруулах
  • Монголын аялал жуулчлалын компаниудтай хамтран ажиллаж, зарлал сурталчилгааг хийдэг болох
  • Наадмын талбайд урд өдөр нь ирж хонох мөн наадмын оройгоо хонох, наадмынхаа талбайд үргэлжлүүлэн бүжиглэн баярлах боломжтой байхаар зохицуулах

Наадмын ажиллагааг зохион байгуулахад хамтран оролцож эдгээр саналуудыг ажил хэрэг болгоход цаг сэтгэл гарган гар бие оролцон манлайлан ажиллах хувь хүн, байгууллага байх аваас бид хамтран ажиллаж боломжит зүйлсийг ирэх жилийн наадамдаа хэрэгжүүлэхийг хичээх болно.

Британи дахь Монголчуудын баяр наадам дэлгэр сайхан боллоо

neeltБритани дахь Монголчууд Үндэсний баяр наадмаа тохиолдуулан тэмдэглэн өнгөрүүлдэг “Лондон Наадам” 7 сарын 2-ны ням гарагт Wimbledon Common талбайд зохион байгуулагдаж өргөн дэлгэр сайхан боллоо. Энэ удаагийн наадамд Лондон хотоос гадна Manchester, Nottingham, Derby, Newcastle, Exeter, Kent, Surrey, Sheffield, Leicester, TsoltemdegtnuudOxford зэрэг муж хотуудаас нийт 500 гаруй наадамчид хүран цуглаж дэлгэр сайхан наадав. Энэ жилийн хувьд нийт наадамчдын 20 орчим хувь нь Британичууд байсан нь Лондонгийн Наадам Монгол урлаг соёл ёс заншил уламжлалт уралдаан тэмцээнээ сурталчлан таниулах зорилгоо хангаж буйн нэгэн баталгаа болж буйгаараа онцлог байлаа.

huuhduudНаадмын ажиллагааг нээж элчин зөвлөх Б.Одонжил үг хэлж төрийн дуулал эгшиглэсний дараа тус улсад ажиллаж бүтээж яваа зарим Монголчууддаа  салбарын тэргүүний ажилтны цол тэмдгийг гардуулав. Үүнд Лондон хотод амьдарч буй Монгол хүүхдүүддээ хэл соёлоо уламжлан авч үлдэхэд өөрийн мэдлэг туршлага, хичээл зүтгэлээ зориулан ажиллаж буй Монгол Хэлний Сургалтын Төвийн багш  Я.Болортуяад “Ардын Гэгээрлийн Тэргүүний Ажилтан” цол, тэмдэг, шагайн харвааг дэлгэрүүлэн хөгжүүлэхэд оруулж буй хувь нэмэр, хичээл зүтгэлийг үнneeltHuurэлэн Манчөстөр хотын суугуул Д.Лхагвадоржид “Биеийн Тамир Спортын Тэргүүний Ажилтан” цол тэмдгийг тус тус гардууллаа. Наадмаараа амжилт бүтээлээ үнэлүүлж салбарын тэргүүний ажилтны цол тэмдэг хүртсэн Монголчууддаа чин сэтгэлийн талархал илэрхийлэе.

Наадмын ажиллагааг Др.Д.Бум-очир, сэтгүүлч Нармандах нар хөтлөн явуулсан бөгөөд нээлтийн урлагын тоглолтод МУСТА, дуучин Чулуунцэцэг, МУСТА М.Мөнхзоригт, хөөмийч морин хуурч Н.Бат-Эрдэнэ. Хуурч Тамир, хуурч хүү  Макс болон Nomadic Tunes  хамтлаг, Монгол Хэлний Сургалтын Төвийн сурагчид оролцлоо.

Buh4Бөхийн барилдаан: Энэ жилийн баяр наадмаар хүчит 40 бөх барилдсанаас Булган аймгийн Тэшиг сумын харъяат, Ноттинхом хотын суугуул, МонБрит бүлгийн бөх аймгийн арслан Я.Оюун-Эрдэнэ 6 даван Лондонгийн баяр наадамдаа 10 дахь удаагаа түрүүлэн, Төв аймгийн Лүн сумын харъяат, Лондонгийн суугуул, сумын заан Отгонбаяр 3 дахь удаагаа үзүүрлэж, Булган аймгийн харъаят, Лондонгийн начин Д.Очирбат, өнгөрсөн жилийн Лондонгийн сар шинийн барилдааны түрүү, залуу бөх Х.Мөнхтулга нар тус тус шөвгөрөв.  Мөн Монгол бөхийн гараа дэвээ, шавааг ёс жаягаар нь үйлдэн барилддаг үндэсний бөх сонирхогч гадаадын иргэд бий болж буйг энэ жилийн наадмаас тодорхой харж болохоор байв. Тухайлбал үндэсний бөхийн бүрэн өмсгөлтэй Турк үндэстэн Elbiz, Англи үндэстэн Robin Fell нар тус бүр 2 дах жилдээ барилдаж нэгээс хоёр давцгаалаа.

Хүүхдийн барилдаан 6-8, 9-11 гэсэн насны ангилалаар анх удаа зохиогдсон нь энэ жилийн наадмын арга хэмжээнд нэмэгдсэн шинэлэг зүйл байв.

BuhHuuhduudАнгли дах үндэсний бөх сонирхогчдын бүлгийн зохицуулагч, БТСТА, Лондонгийн заан Ц.Батбаяр баяр наадмаас өмнө хүүхдүүдийг нэгтгэн гурвантаа бэлтгэл хийлгэж гараа дэвээ, мэхийн хувилбаруудыг зааж, эцэг эхчүүдтэй нягт хамтран ажилласны дүнд энэхүү барилдааныг амжилттай зохион байгууллаа.

Наадмын хүүхдийн барилдааны 6-8 насны ангилалд Баттөмөрийн Төгөлдөр түрүүлж, Вояатзиц-ийн Тэмүүжин үзүүрлэн Бум-Очирын Ханбилгүүн, Алтангэрэлийн Хүслэнэрдэнэ нар шөвгөрч харин Ганхуягийн Давид уран гараа дэвээний шагнал хүртсэн бол 9-11насны ангилалд Сайнсайханы Ананд түрүүлж, Золбоогийн тамир үзүүрлэн, Отгонбаярын Содмандах нар шөвгөрсөн байна

surchidСур харваа: Энэ жилийн Лондонгийн Наадмын сурын харваа Тэмцээн, Чөлөөт харвалт гэсэн хоёр төрөлд амжилттай явагдаж өндөрлөлөө. Тэмцээнд 12 харваачид насанд хүрэгчидийн төрөлд цэц мэргэнээ сорисноос Tamir Morgan (Монгол) тэргүүн байрыг хүртэж, Taskin Hussein (Курд), Нархүүгийн Тогоо (Монгол) нар удаах байруудыг эзлэн алт, мөнгө, хүрэл медалиуд, өргөмжлөл мөнгөн шагналаар шагнагдав. Энэ жилийн тэмцээнд туршлагатай, өмнө нь харваж байсан хүмүүс оролцсоноороо урд жилийнхээс давуу, өрсөлдөөн ихтэй байсныг сурын харвааг зохион байгуулагч Цолмон, Матьв, Энхтүвшин нар онцолж байв. Мөн зохион байгуулагчдаас харвах сонирхолтой хүмүүст хувийн зааварчилгаа товч өгч харвууллаа. Сур хаpвалтын бооцооны нийт орлогыг Хөвсгөл аймгийн Мөрөн суманд аж төрдөг амьдарлын түвшин доогуур гэр бүлийн хүүхдүүдэд хандивлана.

shagai2Шагай харваа: М.Машбаяр тэргүүнтэй Үндэсний Шагайн Харвааны Холбооны Британи дахь салбарынхан шагайн харвааны уламжлалт тэмцээнээ зохион байгуулж төрөл тус бүрийн аваргуудаа тодрууллаа. Багийн харваанд Ч Хадхүү ахлагчтай Манчөстөрийн баг тэргүүлэн, Г Амарбаясгалан ахлагчтай Лондонгийн баг удаалж  С Лхагвадорж ахлагчтай Манчөстөрийн 2-р баг гуравдугаар байрыг тус тус эзлэн мөдаль мөнгөн шагналаар шагнагдавн Харин цуваа харваанд 12 сум тавмснаас Ш Гантулга /Манчөстөр/ Б Батсуурь /Лондон/ нар тус бүр 8 онож оноо тэнцэн сум уралдуулж Ш Гантулга тэргүүлж Б Батсуурь  тэргүүн дэд байр эзэлсэн бол  Б Үнэнбат/Манчөстөр/ 6 онож гутгаар байрт орж тус бүр мөдаль мөнгөн шагналын эзэд боллоо. Шагайчид маань асар майхны засаж наадамчин түмнээ идээ зоогоор дайлан баяр наадмын хөөр баяр нэмэн дэлгэр сайхан наадацгаалаа.

Guilt1Хурдан хүүхдийн уралдаан: Жил бүрийн наадмаар хүүхдүүдийн гүйлтийн уралдаан нас насны ангилалд болдог билээ. Энэ жилийн уралдааны дүнгээс танилцуулбал

3-4 насны хөвгүүд James. Дээгий, Эрдэнэтөгс, охид Хулан, Оюун, Намуун нар
5-6 насны хөвгүүд Ирмүүн, Идэр, Жеймс, охид Эихлүүн, Намуунаа, Эмрүн
7-8 насны хөвгүүд: Хүслэн-Эрдэнэ, Батмэнд, Ханбилгүүн, охид: Оч, Сараа, Эгшиглэн
9-10 нас хөвгүүд Ананд, Жавхаа, Одбилэг охид: Анхжиг, Саран, Сарнай
11-ээс дээш нас хөвшүүд Тэмүүжин, төгөлдөр, Бадарууган охид: Зулаа Хүслэн,  Сараа нар тус тус хуралж торгон жолоо өргүүлэн Өргөмжлөл бэлгээр урамшуулагдлаа.

UndesniiHuvtsastan1Үндэсний сайхан хувцастны тэмцээн: Broadway Beauty Saloon-ийн нэрэмжит үндэсний сайхан хувцастны тэмцээн насанд хүрэгсэд, хүүхэд, балчир насны ангилалуудаар зохион байгуулагдаж насан хүрэгчдэд үүлэн цагаан өнгөөр ижилссэн Н.Бат-Эрдэнэ Ж.Жавзанхорол нар тэргүүлсэн бол балчир насанд Б.Буянжаргал тэргүүлжээ (Хүүхдийн эрэгтэй, эмэгтэй төрөлд түрүүлсэн хүүхдүүдийн нэрсийг эцэг эхчүүд явуулна уу)

Идээ зоогоор бялхасан наадам: Энэ жилийн баяр наадамд Nomads Restaurant, Mongol centre cafe, Good Cod mobile Fish and Chips нар  3 газар наадмын хуушуур болон бусад хоолоор үйлчилсэн нь хүртээмжийг нэмэгдүүлж наадамчид урт урт дараалалд зогсолгүй хөнгөн шуурхай үйлчлүүлэн сайхан наадлаа. Англи болоод Монгол хүмүүсийн хуушуурын захилаг эрс ялгаатай байсан гэх мэт сонин тохиолууд бас гарчээ. Нэгн тохиол нь Англи хүн ирээд “One khuushuur please” гэтэл ард нь зогссон Монгол “40 хуушуур авъя” хэмээсэн аж.

BBBCBC сурвалжилсан наадам. BBС-ийн орон нутгийн албаны 2 сурважлагч баяр наадмын ажиллагааг сурвалжилж товч мэдээлэл ярилцлага авсан нь Лондон наадмын чимээ түгэн дэлгэрч буйн нэгэн илрэл байлаа

Талархал

Баяр наадмын ажиллагааг зохион байгуулахад тусалж дэмжсэн хамтран ажилласан бүх байгууллага хүмүүст чин сэтгэлийн талархал илэрхийльө

Талбайг түрээслэх, бэлтгэл үйлчилгээний ажилд гүн туслалцаа үзүүлж хамтран ажилласан элчин сайдын яамны хамт олон, мөн наадмын ажиллагаанд хандив өргөж  тусламж үзүүлсэн Shinny Gym, Good Cod mobile Fish and Chips, Unur company, MonBrit, Элчин зөвлөх Б.Одонжил, ЭСЯ-ны консул Л.Отгонбаяр,  1-р нарийн бичгийн дарга Батболд, аж ахуй хариуцсан ажилтан Ц.Сандаг-очир, Matthew, Энхтүвшин, Отгонбаяр, Цэрэнбат, Батхишиг нартаа, наадмын ажиллагааг өөрийн мэдлэг туршлагадаа тулгуурлан сэтгэл гарган бэлдэж, нийцтэй сайхан хөтөлж, наадмын сурвалжлага бичлэгүүдийг тасралтгүй хийсэн Др.Д.Бум-Очир, хөтлөгч Б.Наранмандах нартаа, Ая дууны эгшгээрээ наадамчин олноо баясгасан МУСТА Д.Чулуунцэцэг болон “Nomadic Tunes” хамтлагийнханд, Наадмын нээлтийн тоглолтын найруулгыг жил бүр хариуцан амжуулдаг МУСТА М.Мөнхзоригтдоо, хөөмийлж, сурвалжилж, цэвэрлэж бүхий л талбарт сэтгэл гарган ажилласан Н.Бат-Эрдэнэдээ, Монголд хэлээ шамдан суралцаж буй бяцхан үрсээ бэлтгэн ирж наадмын талбайд ая дууг нь өргүүлсэн Я.Болортуяа багш болон түүний шавь нарт, шавь нарын эцэг эхчүүдэд, наадмыг амжилттай хийх зардлын гол нурууг босгохын тулд баярлах наадахаа умартан олон цагаар тасалбар түгээн ажилласан З.Отгонбаяр,  Хонгороо нартаа, азын сугалааны амаргүй ажлыг амжилттай хийсэн Жавхаа, Ариунсанаа, Роз, Заяа, Ундрам  нартаа болон сугалаанд хандив өргөсөн нийт олондоо, наадмын үйл ажиллагааны фото сурвалжлагыг хийсэн МҮОНРТ-н Лондон дахь сурвалжлагч, Азаа студийн Азхүүдээ, випоч зураглал үйлдэж наадмаа сурвалжилсан Ч.Лхагвасүрэндээ наадмын талбайн засал чимэглэлийг жил бүр хариуцан авч эртлэн ирж ажилладаг Д.Очирбатдаа, урлан бүтээсэн тооноороо таазны заслыг чимэглэсэн Ноттинхамын Энхбаяр ахдаа, талбайн зохицуулалт дээр хамтран ажилласан МОНБРИТ-ийн Мөнхочир, Баттулга нар болон бусад залуустаа, Бөхийн барилдааны бүртгэлийг хийж бөхчүүдээ бэлэн байлгадаг энэ жилийн хүүхдийн барилдааныг сэтгэл гарган зохион байгуулсан БТСТА, Лондонгийн заан Ц.Батбаяртаа, бөхийн тавгийн боорцгоор хангахын зэрэгцээ засуулын үүргээ гүйцэтгэсэн Тэгшээ МОНБРИТийн Баттулгадаа, бөхийн цолыг уянгалуулан сайхан дуудсан С.Гэрэлхүү ахдаа, түрүү бөхийн шагналыг ивээн тэтгэсэн Чехээс ирсэн Ү.Нарангэрэл эгчдээ,  их шөвөгт шалгарсан бөхчүүдийн бай шагналыг даасан  Британи дахь Монголчуудын холбоондоо, Хүүхдийн браилдааны бай шагналыг ивээн тэтгэсэн  Ганхуяг, Нараа нартаа, Сурын харвааг олон үндэстнүүдийг хамруулан аюулгүй байдлыг чанд сахин машид хариуцлагатайгаар зохион байгуулсан Matthew, Энхтүвшин, Цолмон туслаж ажилласан М.Саранзаяа, Робин нартаа, Шагайн харвааг дэлгэрүүлэн хөгжүүлэх ажилд цаг сэтгэл гарган ажиллаж буй, наадмын шагайн харвааны тэмжээнийг элгэр сайхан зохион байгуулсан  Британи дах Монгол Шагайн Холбооны тэргүүн БТСТА М.Машбаяр болон түүний багийнханд, олон газраас ирсэн удмын хурдтай хүүхдүүдийн уралдааныг онцгой тэвчээр гарган амжилттай зохион байгуулсан Одонгэрэл, Отгонбаяр болон багийнханд, өнгө алагласан цэцэгсээс үлэмж таатайг нь сонгох мэт наадмын гоёлоороо алагласан олноос шилдэг сайхныг нь шалгаруулах амаргүй албыг амжилттай зохион байгуулсан Зоригоодоо,  ивээн тэтгэсэн Beauty Broadway Saloon-ийнхандаа,  үйлчилгээ тээврийн ажилд үүртэлгүй зүтгэж, дотоод зохион байгуулалтын олон ажлыг сэтгэл гарган хийдэг Ц.Сандаг-Очиртоо, наадмчин олноо наадмын хуушуураар дүүртэл нь үйлчилсэн Nomads Restaurant, Mongol centre cafe, Good Cod mobile Fish and Chips”ийн хамт олонд, асар майхан босголцож, буулгалцаж, ачилцаж, наадмын талбайгаа хамтдаа цэвэрлэсэн сайхан сэтгэлт монголчууддаа болоод найз нөхөд, ахан дүүс, үр хүүхдээ дагуулан ирж дэлгэр сайхан наадсан нийт наадамчдадаа чин сэтгэлийн талархал илэрхийльө!

Хойтон жилийн наадмаа хотол олноороо улам бүр өргөн дэлгэр тэмдэглэцгээө!

Наралж салхилан наадацгаая -Баяр наадам тэмдэглэн өнгөрүүлэх талаар

parkБритани дах монголчуудын жил бүр уламжлал болгон тэмдэглэн өнгөрүүлдэг үндэсний баяр наадмын ажиллагаа энэ жилийн хувьд нэгдсэн байдлаар хийх газрын олдоц үгүй болсонд нийт наадамчдаас гүнээ хүлцэл эрж байна.
Уламжлал болсон хийдэг газар нь наадмын өдрүүдэд Wimbledon-ийн тэннисний тэмцээнд зориулагдах болсноор анх энэ байдал үүсэж улмаар сар гаруй хугацаанд Лондон дотор өөр бусад газар хийх зөвшөөрөл авахаар хөөцөлдсөн  ч амжилт олсонгүйг ойлгон хүлцэнэ буй заа

Ингээд наадмын өдөр буюу 7 сарын 11-д Лондонгийн зүүн дүүргийн London Fields (Hackney, London, E8 3EU) талбайд, 11-16 цагийн хооронд, майхан дарцаг босголгүй,ердийн нарлаж зугаалах хэлбэрээр цуглан бөхөө барилдуулж, хүүхэд багачуудаа гүйлгэн, бусад уралдаан тэмцээн зохион байгуулж  наадмаа тэмдэглэе. Гэхдээ арга хэмжээ зохион байгуулах ямар нэгэн зөвшөөрөл байхгүйг бодолцож машид зөв боловсон байхыг анхаарна уу. 

  • Бөхийн барилдааныг Лондонгийн заан Ц.Батбаяр
  • Шагайн харвааг Г.Амарбаясгалан, Б.Машбаяр
  • Хүүхдийн гүйлтийг М.Мөнхзоригт З.Отгонбаяр
  • Гар бөмбөг, хөл бөмбөгийн тэмцээнийг Д.Очирбат, Б.Будхүү

нар тус тус зохион байгуулна.

Хоол хийх боломжгүй тул наадмын үеэр хүртэх хуушуур, амттанаа гэртээ боломжит хэмжээгээр хийж ирээд  баярлаарай. Нар шатсан халуун өдөр байх тул уух ус, ундаа, нарны тос, сүүдэрлэх шүхэрээ мартав.

Нийтийн хүрээлэнд хүндэтгэлтэй, цэмцгэр сайхан амран наадахыг хүсье!

map15

Лондонгийн Монгол Наадам – 2013

Британийн Монголчуудын Баяр Наадмын ажиллагаа 7 сарын 13-нд Лондон хотын баруун урд дүүрэг дах Wimbledon Ground зүлэг ногоон талбайд ёслол төгөлдөр боллоо.

Наадмын ажиллагааг Элчин сайдын яамны санхүүгийн дэмжлэгтэйгээр Монголчуудын Холбооноос Британи дах Монгол Оюутны Холбоо, Mongolia Connect Group,  Broadway Beauty saloon, Mongol Pub, MM Service Ltd зэрэг байгууллагуудтай хамтран зохион байгуулав.

Мотортон хөлөглөсөн Монгол наадмын нээлт

Газар газартаа зохицуулан гадаадад суугаа Монголчууд маань нааддаг. Лондонгийн наадмын энэ жилийн нээлт нэгэн сюрприз байсан нь задгай машинаар цагаан тугаа залж зургаан мотоциклоор хамгаалуулан наадмын талбайд Толин хулын аянд довтолгон орж ирсэн явдал байв. Цөөхөн хоногт өөрийн боломжиндоо тулгуурлан танил нөхдөө дуудан энэхүү өвөрмөц аргаар туг залах санааг урлагийн тоглолтын найруулагч М.Мөнзоригт маань гарган найруулсан нь наадамчдын сэтгэлд нийцэж уухайн түрлэгээр мялаалгав. Туг залсны дараа элчин сайдл Н.Тулга наадмын ажиллагааг нээж үг хэлснээр 2013 оны Британийн Монголчуудын баяр наадмын ажиллагаа ёслол төгөлдөр эхэллээ.

Наадмын нээлтийн ажиллагааг Оюунчимэг эгч, Давааням нар хөтлөж,  морин хуурын татлага, төгөлдөр хуурын ая эгшиг, эрийн гурван наадмын үе залган оршихийн бэлэгдэл үзүүлбэр, Даваанямын зохиосон ая дууны мэндчилгээгээр урлагийн тоглолт бүрджээ.

Мөн Төвдийн ард түмний эрх чөлөөний төлөө тэмцэгч, залуу дуучин Намцо наадмын ажиллагааг дэмжин ая дуугаа өргөв.

 

Хүн бүр харах бөхтэй хүчит бөхийн барилдаан

Энэ жилийн наадамд залуус маань элдвээр гуйлгаж цоровдуулалгүй өөрсдийн идэвхээр олноороо барилдсан нь майхан бүр өөрсдийн харах бөхтэй болгож наадмын бөхийг сонирхолтой өргөн түмний оролцоотой болголоо. Бөхийн давааны боорцогийг Монгол Пабны Болдоогийн гэр бүл амттай сайхан хийжээ.